រដ្ឋបាលខេត្តកណ្តាល បានរៀបចំវេទិកាផ្សព្វផ្សាយ​ និងពិគ្រោះយោបល់របស់ក្រុមប្រឹក្សាខេត្តកណ្តាល​ លើកទី៤​ អាណត្តិទី២​ ឆ្នាំ២០១៧​ ក្នុងស្រុកអង្គស្នួល


*នារសៀលថ្ងៃពុធ​ ៣​ កើត​ ខែបុស្ស​ ឆ្នាំរកា​ នព្វស័ក​ ព.ស​ ២៥៦១​ ត្រូវនឹងថ្ងៃទី២០​ ខែធ្នូ​ ឆ្នាំ២០១៧​ រដ្ឋបាលខេត្តកណ្តាល បានរៀបចំវេទិកាផ្សព្វផ្សាយ​ និងពិគ្រោះយោបល់របស់ក្រុមប្រឹក្សាខេត្តកណ្តាល​ លើកទី៤​ អាណត្តិទី២​ ឆ្នាំ២០១៧​ ក្នុងស្រុកអង្គស្នួល ក្រោមអធិបតីភាព​របស់ ឯ.ឧ នួន ផា ប្រធានក្រុមប្រឹក្សាខេត្ត និង ឯ.ឧ ម៉ៅ ភិរុណ អភិបាលខេត្តនៃគណៈអភិបាលខេត្តកណ្តាល​ ​ ព្រមទាំងវត្តមានអញ្ជើញចូលរួមពីសំណាក់
ម​ន្ត្រីរាជការ​ កងកម្លាំងប្រដាប់អាវុធ​ ក្រុមប្រឹក្សាឃុំ មេភូមិ​ និងប្រជាពល​រដ្ឋ​ក្នុងស្រុក ប្រមាណជាង​ ៥០០​ នាក់។

*អង្គវេទិកាបានដំណើរការ​ទៅតាមកម្មវិធីដែលបានគ្រោងទុក​ដោយមានការលើកឡើងជាសំណួរ​ សំណូមពរ​ កង្វល់​ តាមរយៈការសរសេរជាលាយល័ក្សអក្សរ​មកកាន់វេទិកា ដែលពាក់ព័ន្ធទៅនឹង​សំណើសុំតបណ្តាញទឹកស្អាត,​ ដីចាក់ទីធ្លារសាលា,​ បញ្ហាទឹកលិចផ្លូវ,​ ការសាងសង់រោងបុណ្យ,​ ស្នើសុំស្តារប្រឡាយ,​ សាងសង់និងជុសជុលផ្លូវ,​ បញ្ហាផ្ទេរកម្មសិទ្ធពីឪពុកទៅកូន,​ បញ្ហាទឹកស្អុយលិចភូមិ,​ បញ្ហាស្លាកសញ្ញាចរាចរ,​ លូបង្ហូរទឹក,​ ស្តារប្រព័ន្ធលូបង្ហូរទឹក។ ល។
*ជាទីបញ្ចប់​ ឯ.​ឧ​ អភិបាលបានណែនាំ​ និងផ្តល់ជូននូវ៖​
+​ អំពាវនាវប្រជាពលរដ្ឋ​ និងមន្ត្រីរាជការទាំងអស់ត្រូវបន្តប្តេជ្ញាចិត្តចូលរួមថែរក្សានូវសុខសន្តិភាពអោយបានគង់វង្សយូរអង្វែង​ ដើម្បីអោយកម្ពុជាបន្តការអភិវឌ្ឍន៍​ ប្រជាពលរដ្ឋទទួលបានសមិទ្ធផលថ្មីៗ​ ហើយជីវភាព​ប្រជាពលរដ្ឋកាន់តែប្រសើរ។
+​ ផ្តល់ដីចំនួន​៥០​ ឡាន​ ដល់សាលាបឋមសិក្សា​វត្តត្នោត ស្ថិតក្នុងឃុំលំហាច
+​ ផ្តល់ថវិកាចំនួន​ ៨៥០​ ដុល្លារ​ សម្រាប់ការសាងសង់សាលាបុណ្យ​ នៅក្នុងភូមិព្រៃទន្លាប់ ឃុំលំហាច
+​ ផ្តល់ដីក្រហម៤០ ឡាន​ សម្រាប់ចាក់ផ្លូវនៅក្នុងភូមិជ្រៃមង្គល​ ឃុំដំណាក់អំពិល
+​ ផ្តល់ដី៥០​ ឡាន​ សម្រាប់ចាក់ធ្វើរោងបុណ្យ​ នៅក្នុងភូមិព្រៃពួច ឃុំព្រៃពួច
+​ ផ្តល់ដី៣០​ ឡាន​ សម្រាប់ចាក់ផ្លូវនៅក្នុងភូមិព្រែកសំរោង​ ឃុំដំណាក់អំពិល
+​ ផ្តល់ដី​ ៥០ឡានសម្រាប់ចាក់ទីធ្លារសាលាបឋមសិក្សាឆក់ឈើនាង​ ឃុំឆក់ឈើនាង
+​ ផ្តល់ដីចំនួន១៥០​ ឡាន​ និងថ្ម៥០​ ឡានដល់សាលាវិទ្យាល័យត្រពាំងត្នោត​ ឃុំម្កាក់
+​ ផ្តល់ដីចំនួន​ ៣០​ ឡានសម្រាប់ចាក់ទីធ្លាសាលាបឋមសិក្សាយសមេត្រី​ ឃុំលំហាច
+​ ផ្តល់ផេះថ្មចំនួន​៥​ ឡានសម្រាប់ចាក់ទីធ្លារអនុវិទ្យាល័យឆក់ឈើនាង​ ក្នុងឃុំឆក់ឈើនាង
+​ ផ្តល់អគារការិយាល័យច្រកចេញចូលតែមួយមួយអាគារ(ទំហំ​ ២០មx១៤ម)​ ដល់ស្រុកអង្គស្នួល អនុវត្តក្នុងឆ្នាំ២០១៨
+​ ផ្តល់ផ្លូវបេតុងប្រវែង​ ១០០០ម​ x​ ៤,៥​ម​ នៅក្នុងភូមិព្រៃផ្ជឹកទី១ ឃុំសំរោងលើ​ អនុវត្តក្នុងឆ្នាំ២០១៨​
+​ ផ្តល់ផ្លូវបេតុងប្រវែង​ ១៧១២​ ម៉ែត្រ​ x៥​ ម​ ដល់ភូមិត្រពាំងខ្ទឹម​ និងភូមិក្រាំងម្កាក់​ ឃុំក្រាំងម្កាក់​ អនុវត្តឆ្នាំ២០១៨
+​ ផ្តល់ផ្លូវបេតុងប្រវែង១២៥០មx៤,៥​ ដល់ភូមិព្រៃផ្ចឹតទី១​ ឃុំសំរោងលើ​ អនុវត្តក្នុងឆ្នាំ២០១៨​
+​ ដោយឡែកបញ្ហាទាំងឡាយណា​ ដែលពុំអាចដោះស្រាយនៅនឹងន្លែងបាន​ ឯកឧត្តមគណៈ​អធិបតីបានទទួលយកចាត់ចែងអោយជំនាញចុះទៅសិក្សាស្រាវជ្រាវ​ និងធ្វើការឆ្លើយ​តប និងដោះស្រាយជូនទៅតាម​លទ្ធភាព​ និង​ផែនការជាក់​លាក់​។
ជាទីបញ្ចប់ប្រជាជនបានបង្ហាញអារម្មណ៍ត្រេកអរ​ និងប្តេជ្ញាគាំទ្រយ៉ាងមុតមាំចំពោះរាជរដ្ឋាភិបាលដែលដឹកនាំដោយសម្តេចតេជោហ៊ុន​ សែន៕
25498456_553778164977114_8894571416799298390_n 25498528_553778051643792_55063689726887296_n 25508169_553778001643797_5648214412521292292_n 25508176_553778491643748_8391833129527925593_n