នៅឃុំសំរោងធំ​ ស្រុកកៀនស្វាយ​ ខេត្តកណ្តាល​ មានរៀបចំ​ពិធីសំណេះសំណាលជាមួយប្រជាពលរដ្ឋ​ ក្នុងឃុំសំរោងធំ​ ស្រុកកៀនស្វាយ ក្រោមអធិបតីភាព​ ឯកឧត្តម​ ម៉ៅ​ ភិរុណ​ អភិបាលនៃគណៈអភិបាលខេត្តកណ្តាល​ និង​ឯកឧត្តម ង៉ោ​ សុវណ្ណ​ រដ្ឋមន្ត្រីប្រតិភូអមនាយករដ្ឋមន្ត្រី


*​នាព្រឹកថ្ងៃទី១៨​ ខែមីនា​ ឆ្នាំ២០១៧​ នៅឃុំសំរោងធំ​ ស្រុកកៀនស្វាយ​ ខេត្តកណ្តាល​ មានរៀបចំ​ពិធីសំណេះសំណាលជាមួយប្រជាពលរដ្ឋ​ ក្នុងឃុំសំរោងធំ​ ស្រុកកៀនស្វាយ ក្រោមអធិបតីភាព​ ឯកឧត្តម​ ម៉ៅ​ ភិរុណ​ អភិបាលនៃគណៈអភិបាលខេត្តកណ្តាល​ និង​ឯកឧត្តម ង៉ោ​ សុវណ្ណ​ រដ្ឋមន្ត្រីប្រតិភូអមនាយករដ្ឋមន្ត្រី​ រដ្ឋលេខាធិការក្រសួងយុត្តិធម៌​ និងជាប្រធានគណៈពង្រឹងមូលដ្ឋាន ឃុំសំរោងធំ​ និងឃុំគគីរធំ។ សមាសភាពអញ្ជើញចូលរួម​ មាន៖​ ឯកឧត្តម​ លោកជំទាវ​ សមាជិកក្រុមប្រឹក្សាខេត្ត​ ,​ ឯកឧត្តម​ លោកជំទាវ​អភិបាលរងខេត្ត,​ លោក​ លោកស្រីប្រធាន​ អនុប្រធានមន្ទីរ​ អង្គភាព​ ជុំវិញខេត្ត,​ ក្រុមប្រឹក្សា​ និងគណៈអភិបាលស្រុក​,​ កងកម្លាំងទាំងបីថ្នាក់ខេត្ត​ និងស្រុក,​ ក្រុមប្រឹក្សាឃុំ​,​ មន្ត្រីពាក់ព័ន្ធថ្នាក់ខេត្ត​ និងថ្នាក់ស្រុក​ ព្រះសង្ឃ​ និងប្រជាពលរដ្ឋក្នុងឃុំ​ ប្រមាណ​ ជិត​ ១​០០០​ នាក់។
*គោលបំណងនៃពិធីសំណេះសំណាលនាថ្ងៃនេះគឺដើម្បីផ្តល់ឱកាសឱ្យប្រជាពលរដ្ឋអាចលើកឡើងជាយោបល់​ ក្តីកង្វល់​ និងការប្រឈមនានាដែលពួកគាត់ជួបប្រទះមកកាន់អាជ្ញាធរដើម្បីមានវិធានការបន្ត។
*អង្គពិធីបានដំណើរការ ដោយមានអ្នកចូលរួមចំនួន​ ០៩​ រូប​ បានលើកឡើងនូវយោបល់​ សំណួរ​ សំណូមពរ​ និងក្តីកង្វល់​ មកកាន់គណៈអធិបតី​ ពាក់ព័ន្ធនឹងបញ្ហាទំនាស់ដីធ្លី,​ អប់រំ​ (អគារសិក្សា),​ ការស្នើសុំប័ណ្ណកម្មសិទ្ធិ,​ បញ្ហានេសាទ​ និងបទល្មើសនេសាទ,​ បញ្ហាគ្រឿងញៀន,​ ការរំលោភលើចំណីផ្លូវថ្នល់,​ បញ្ហាកែសំបុត្រកំណើត,​ ហេដ្ឋារចនាសម្ព័ន្ធផ្លូវ​ ស្ពាន។ ល។
*ជាការឆ្លើយតប​ ឯកឧត្តម​ អភិបាលខេត្ត​ បានធ្វើបកស្រាយពន្យល់​ និងឆ្លើយតបទៅនឹងការលើកឡើងរបស់អ្នកចូលរួមប្រកបដោយលក្ខណៈវិទ្យាសាស្រ្ត​ ដោយឆ្លុះបញ្ចាំពីគ្រប់ទិដ្ឋភាព​ ដោយទទួលបាននូវការជឿជាក់ពីប្រជាពលរដ្ឋ​ ហើយបញ្ហាមួយចំនួនដែលមិនអាចធ្វើការឆ្លើយតបនៅនឹងកន្លែង​ ឯកឧត្តម​ បានទទួលយក​សំណើ​ និងណែនាំឱ្យអាជ្ញាធរ​ និងមន្ទីរ​- អង្គភាពជំនាញចុះសិក្សាដើម្បីលើកជាគម្រោងច្បាស់លាស់។
*ជាទីបញ្ចប់​ ឯកឧត្តមអភិបាលខេត្តបានផ្តល់៖​ អគារសិក្សា​ ១​ ខ្នង​ ០៣​ បន្ទប់​ ដល់សាលាបឋមសិក្សាដីដុះ​ ស្ថិតក្នុងភូមិសំរោង​ ឃុំសំរោងធំ​ ស្រុកកៀនស្វាយ៕

18-03-2017 (1) 18-03-2017 (2) 18-03-2017 (3) 18-03-2017 (4) 18-03-2017 (5) 18-03-2017 (6) 18-03-2017 (7) 18-03-2017 (8) 18-03-2017 (9)