គណបក្សខេត្ត បានចាត់តាំងមិទ្ទីងអបអរសាទរខួបលើកទី៦៦ ថ្ងៃបង្កើតគណបក្សប្រជាជនកម្ពុជា ក្រោមអធិបតីភាពឯឧ ម៉ៅ ភិរុណ ប្រធានគណបក្សខេត្ត នៅសួនច្បារមាត់ទន្លេបាសាក់ ក្រុងតាខ្មៅ ដោយមានការអញ្ជើញចូលរួមពី សមាជិកគណៈកម្មាធិការគណបក្សខេត្ត សមាជិកក្រុមប្រឹក្សាខេត្ត សាខាបក្សបណ្តាមន្ទីរ-អង្គភាពជុំវិញខេត្ត និងក្រុងតាខ្មៅ ព្រមទាំងសមាជិកគណបក្សមកពីសង្កាត់ទាំង៦ ក្នុងក្រុង សរុបវត្តមាន ៥០០០នាក់ ។
បន្ទាប់ពីផ្សព្វផ្សាយសុន្ទរកថា សម្តេចតេជោប្រធានគណបក្សរួចមក ឯឧ ម៉ៅ ភិរុណ បានរំលឹកពីលទ្ធផលនៃការបោះឆ្នោតជ្រើសរើសក្រុមប្រឹក្សាឃុំ-សង្កាត់កន្លងមក ដែលទូទាំងខេត្ត CPP ទទួលបានការគាំទ្រ ៣២៥ ៧៥៨ សំឡេង ស្មើនឹង ៤៨៤អាសនៈ និងទទួលបានតំណែងជាប្រធានក្រុមប្រឹក្សា ៧៩ឃុំ-សង្កាត់ ។ ដោយឡែក ក្រុងតាខ្មៅ ទទួលបានការគាំទ្រ ២៥ ៦៨០សំឡេង ស្មើនឹង ២៤អាសនៈ និងទទួលបានតំណែងប្រធានក្រុមប្រឹក្សា ៤សង្កាត់ ។ ឯឧ បានថ្លែងអំណរគុណ ដល់សមាជិកគណបក្សទាំងអស់ ដែលបានបោះឆ្នោតគាំទ្រ នឹងសំណូមពរឲ្យបន្តគាំទ្រគណបក្សប្រជាជនកម្ពុជា នាសម័យបោះឆ្នោតឆ្នាំ២០១៨ខាងមុខទៀត ដើម្បីរក្សាសន្តិភាព ការពារសមិទ្ធផល និងបន្តអភិវឌ្ឍន៍ប្រទេសជាតិទៅមុខទៀត ។