ឯកឧត្តម ម៉ៅ ភិរុណ អភិបាល​នៃ​គណៈអភិបាលខេត្តកណ្តាល រួមជាមួយ ឯកឧត្តម ឌិត ទីណា រដ្ឋលេខាធិការនៃក្រសួងរ៉ែ និងថាមពល បានអញ្ជើញជាអធិបតីភាពក្នុងពិធីបញ្ចុះបឋមសិលាសាងសង់អគារសិក្សានៅវិទ្យាល័យ ហ៊ុន សែន ស្អាង។


នាព្រឹកថ្ងៃទី ២២ ខែមីនា ​ឆ្នាំ២០១៧ ឯកឧត្តម ម៉ៅ ភិរុណ អភិបាល​នៃ​គណៈអភិបាលខេត្តកណ្តាល រួមជាមួយ ឯកឧត្តម ឌិត ទីណា រដ្ឋលេខាធិការនៃក្រសួងរ៉ែ និងថាមពល បានអញ្ជើញជាអធិបតីភាពក្នុងពិធីបញ្ចុះបឋមសិលាសាងសង់អគារសិក្សានៅវិទ្យាល័យ ហ៊ុន សែន ស្អាង។ សមាសភាពអញ្ជើញចូលរួមមាន៖ ឯកឧត្តម លោកជំទាវ សមាជិកក្រុមប្រឹក្សាខេត្ត អភិបាល​រងខេត្ត លោក លោកស្រី ប្រធានមន្ទីរ ជុំវិញខេត្ត កងកម្លាំងទាំងបី​ ក្រុមប្រឹក្សា គណៈអភិបាលស្រុក ប្រធានការិយាល័យជុំវិញស្រុកមេឃុំ លោកគ្រូ អ្នកគ្រូ សិស្សានុសិស្ស និងប្រជាពលរដ្ឋ សរុបប្រមាណជាង ១០០០ នាក់។​
គួរបញ្ជាក់ផងដែរថា អាគារសិក្សាដែលកំពុងបញ្ចុះបឋមសិលានាពេលនេះ ជាអាគារទី ១១១ ចំនួន ០១ ខ្នង ០៣ បន្ទប់ ដែលជាអំណោយដ៏ថ្លៃថ្លា របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា តាមរយះលោក ឧកញ៉ា ស៊ីវ ថៃ។ សរុបមក នៅក្នុងស្រុកស្អាង អាគារសិក្សាដែលជាអំណោយរបស់សម្តេចអគ្គមហាសេនាបតីតេជោ​និង សម្តេចកិត្តិព្រឹទ្ធបណ្ឌិតមានចំនួន ១១១ ខ្នង ស្មើនឹង ៥៣៥ បន្ទប់។​
ក្នុងឱកាសនេះដែរ គណៈអធិបតីបានឧបត្ថម្ភដល់៖
+លោកគ្រូអ្នកគ្រូ ១៣២ នាក់ ក្នុងម្នាក់ៗ ២ ម៉ឺនរៀល​
+សិស្សានុសិស្សចំនួន ៤០០ នាក់ ក្នុងម្នាក់ៗ សៀវភៅ ០១ក្បាល ប៊ិច ០១ ដើម ថវិកា ១ម៉ឺនរៀល​
+ប្រជាពលរដ្ឋ​ចំនួន ៥០០ នាក់ ក្នុងម្នាក់ៗទទួលបានថវិកា ២ម៉ឺនរៀល​
+កងកម្លាំងសន្តិសុខចំនួន ៣០ នាក់ ក្នុងម្នាក់ៗ​ទទួលបាន ថវិកា ២ម៉ឺនរៀល​៕

22-03-2017 (1) 22-03-2017 (2) 22-03-2017 (3) 22-03-2017 (4) 22-03-2017 (5) 22-03-2017 (6) 22-03-2017 (7)