នាព្រឹកថ្ងៃទី ២២ ខែវិច្ឆិកា ឆ្នាំ២០១៦ ឯកឧត្តម ម៉ៅ ភិរុណ អភិបាលនៃគណៈអភិបាលខេត្តកណ្តាល និងជាប្រធានកិត្តិយសសាខាកាកបាទក្រហមកម្ពុជាខេត្តកណ្តាល រួមជាមួយ ឯកឧត្តមអនុប្រធានកិត្តិយសសាខា ឯកឧត្តមប្រធានសាខាខេត្ត និងអាជ្ញាធរស្រុក បានអញ្ជើញចុះសួរសុខទុក្ខ និងនាំយកអំណោយមកចែកជូនដល់ ប្រជាពលរដ្ឋចំនួន ០៧ គ្រួសារ ស្ថិតនៅភូមិស្រះពោធិ ឃុំផ្សារដែក ស្រុកពញាឮ ដែលទទួលរងគ្រោះអគ្គីភ័យ កាលពីវេលាម៉ោង ៨ និង៣០ នាទីយប់ ថ្ងៃទី១៨ ខែវិច្ឆិកា ឆ្នាំ២០១៦ កន្លងទៅ។
*គួរបញ្ជាក់ដែលថា អំណោយនាពេលនេះរួមមាន៖
+ គ្រឿងឧបភោគបរិភោគ ៖ អង្ករ ៥០ គីឡូក្រាម មី ១ កេស ទឹកសុទ្ធ ១ យួរ ទឹកក្រូច ១កេស ទឹកដោះគោ តែ អំបិល ស្ករ។
+ គ្រឿងសម្ភារ:ប្រើប្រាស់ ៖ កៅស៊ូតង់ ០១ ខ្នើយ ០២ មុង ០២ ភួយ ០២ កន្ទេលជ័រ ០២ ចានដែក ០១ ធុងទឹកកក ០១ ឆ្នាំងបាយ ០១ ឆ្នាំងសម្ល ០១ វែកបាយ វែកសម្ល កំសៀវទឹក ០១ ចានស្រាក ០១ ថាសដែក ០១ ចាន ០៥ ជ្រុញ ០១ ធុងទឹកក្តៅ ០១ ចង្ក្រានហ្គាស កញ្ច្រែងជ័រ ផ្តិលទឹក ប៉ាន់តែ កែវ ចង្អើអាំងត្រី ខ្ទះឆា វែកឆា។
+និងថវិកាចំនួន៥០ មីុនរៀលក្នុងមួយគ្រួសារ៕
ឯកឧត្តម ម៉ៅ ភិរុណបានអញ្ជើញចុះសួរសុខទុក្ខ និងនាំយកអំណោយមកចែកជូនដល់ ប្រជាពលរដ្ឋចំនួន ០៧ គ្រួសារដែលទទួលរងគ្រោះអគ្គីភ័យ .
