នៅស្រុកកោះធំ​ មានរៀបចំពិធីប្រកាសផ្ទេរនិងចូលកាន់មុខតំណែងប្រធានទីស្នាក់ការត្រួតពិនិត្យច្រកទ្វារព្រំដែនអន្តរជាតិជ្រៃធំ​ ច្រកទ្វារតំបន់ព្រែកស្បូវ​ និងច្រកតំបន់ព្រែកជ្រៃ​_ព្រែកទន្លា​


នារសៀលថ្ងៃទី​ ២៣​ ខែវិច្ឆិកា​ ឆ្នាំ២០១៧​ នៅស្រុកកោះធំ​ មានរៀបចំពិធីប្រកាសផ្ទេរនិងចូលកាន់មុខតំណែងប្រធានទីស្នាក់ការត្រួតពិនិត្យច្រកទ្វារព្រំដែនអន្តរជាតិជ្រៃធំ​ ច្រកទ្វារតំបន់ព្រែកស្បូវ​ និងច្រកតំបន់ព្រែកជ្រៃ​_ព្រែកទន្លា​ ក្រោមអធិបតីភាព​ ឯកឧត្តម​ ម៉ៅ​ ភិរុណ​ អភិបាលនៃគណៈអភិបាលខេត្តកណ្តាល​ និងឯកឧត្តម​ នួន​ ផា​ ប្រធានក្រុមប្រឹក្សាខេត្ត។ សមាសភាពអញ្ជើញចូលរួមមាន៖​ ឯកឧត្តម​ លោកជំទាវ​ សមាជិកក្រុម​ប្រឹក្សាខេត្ត​ អភិបាលរងខេត្ត​ លោក​ លោកស្រីប្រធាន​ អនុប្រធានមន្ទីរអង្គភាពជុំវិញខេត្ត​ កងកម្លាំង និងមន្ត្រី​ពាក់ព័ន្ធ ១៧០​នាក់។​
ឯកឧត្តម​ បានផ្តាំផ្ញើដូចខាងក្រោម៖
+​ត្រូវ ឯកភាព​ផ្ទៃក្នុង​ឱ្យ​បានល្អនៅក្នុង​ចំណោម​មន្រ្តី​រាជការ និងកម្លាំង​សមត្ថកិច្ច​គ្រប់​លំដាប់ថ្នាក់ និងអង្គភាពពាក់ព័ន្ធ ដោយត្រូវ​ខិតខំ​អនុវត្ត​ឱ្យបាន​ត្រឹមត្រូវតាមស្មារតី​អនុក្រឹត្យ​លេខ ៦៤ អនក្រ ចុះថ្ងៃទី​០៩ ខែកក្កដា ឆ្នាំ​២០០១ របស់​រាជ​រដ្ឋាភិបាល ស្តីពី​ការកំណត់ និងការគ្រប់គ្រង​ទី​ស្នាក់ការត្រួត​ពិនិត្យច្រកទ្វារ​អន្តរជាតិ ច្រកទ្វារ​ព្រំដែនអន្តរជាតិ ច្រកទ្វារ​ព្រំដែន​ទ្វេភាគី ច្រកទ្វារ​តំបន់​ព្រំដែន និង​ច្រកទ្វារកំពង់ផែ​សមុទ្រ នៅ​ទូទាំង​ព្រះ​រាជាណាចក្រកម្ពុជា។​
+​ត្រូវ​លើកកម្ពស់​ប្រសិទ្ធភាពការងារ​ ការគោរព​ច្បាប់ គោលការណ៍​នានា និងពង្រឹងរបៀប​របប​ធ្វើការ​ ដើម្បីលើកកម្ពស់ការទទួល​ខុសត្រូវ​ របស់​មន្រ្តី​ម្នាក់ៗ​ផ្អែក​តាម​តួនាទី​ ភារកិច្ច​របស់​ខ្លួន និង​ត្រូវ​នៅ​ឱ្យ​ឆ្ងាយ​ពី​អំពើពុករលួយ ។​
+​ត្រូវប្រកាន់ឲ្យបានខ្ជាប់ខ្ជួននូវអភិក្រមទាំង៤ របស់សម្តេចតេជោនាយករដ្ឋមន្ត្រី «ឆ្លុះកញ្ចក់ ងូតទឹក ដុសក្អែល និងព្យាបាល» ដើម្បីសម្រេចបាននូវសមិទ្ធផល​នានា​ជូនអង្គភាព​ និង​ប្រជាពលរដ្ឋ។​​
​+ត្រូវចេះ​ធ្វើការ​សម្របសម្រួល​ក្នុង​ការផ្តល់​សេវា​សាធារណៈ​ ប្រកបដោយជំនឿទុកចិត្ត​ជូន​ដល់​ប្រជាពលរដ្ឋ ដែលរស់នៅជាប់ព្រំដែនក្នុងការប្រកប​អាជី​វកម្ម​ ក៏ដូច​ជា​ភ្ញៀវ​ជាតិ និង​អន្តរជាតិ​ដែល​ធ្វើដំណើរ​ឆ្លងកាត់​ច្រកទ្វារព្រំ​ដែន។​
​+ត្រូវ​ធ្វើ​ជា​យន្តការ​សម្របសម្រួល និង​សហប្រតិបត្តិការស្មើភាព​ជាមួយ​ខេត្ត​ ស្រុក ឃុំ បណ្តាអង្គភាព​ជំនាញ ជាមួយនឹង​អង្គភាព​នានា​ របស់​ខេត្តអានយ៉ាង នៃ​ប្រទេសវៀតណាម។​
​+អាជ្ញាធរមូលដ្ឋានពាក់ព័ន្ធនានា និងកងកម្លាំងមានសមត្ថកិច្ចគ្រប់លំដាប់ថ្នាក់ ដែលឈរ ជើងនៅតាមបណ្តោយព្រំដែន សូមបន្តពង្រឹងការពារសន្តិសុខ សណ្តាប់ធ្នាប់ និងរក្សានូវស្ថានភាព ដដែលនៅតាមតំបន់ព្រំដែន ដែលពុំទាន់បានខណ្ឌសីមា និងបោះបង្គោលព្រំដែនរួចរាល់ជាផ្លូវការ។
​+សហការជាមួយអាជ្ញាធរសមត្ថកិច្ចពាក់ព័ន្ធ ជាពិសេសជាមួយគណៈបញ្ជាការឯកភាពស្រុក ក្នុងការលុបបំបាត់ឲ្យមានប្រសិទ្ធភាពនូវប៉ុស្តិ៍ត្រួតពិនិត្យអាណាធិបតេយ្យ ដាច់ខាតមិនឲ្យកើតមាន ដែលអាចនាំឲ្យមានការថ្នាំងថ្នាក់ពីប្រជាពលរដ្ឋ និងបងប្អូនអាជីវករ។
23755122_541586352862962_3328239537145154380_n 23755244_541586086196322_914418498628321784_n 23755485_541585979529666_7191530857674063709_n 23755781_541585389529725_3258325313988804429_n 23843561_541585336196397_3211028598980661908_n