ឯកឧត្តម សុខ ឥសាន៖ អង្គការក្រៅរដ្ឋាភិបាល គ្មានសិទ្ធបាតុកម្មទាមទារដោះលែងជនល្មើសច្បាប់បានទេ

អ្នកនាំពាក្យគណបក្សប្រជាជនកម្ពុជា បានមានប្រសាសន៍ថា ថ្មីៗនេះ មានអង្គការក្រៅរដ្ឋាភិបាលមួយចំនួន និងក្រុមគ្រួសារជនជាប់ចោទ បានធ្វើសកម្មភាពមិនប្រក្រតីមួយចំនួន ដែលផ្ទុយពីគោលការណ៍ច្បាប់ ដើម្បីឲ្យមានការដោះលែងជនជាប់ចោទទាំងនោះ ។
ឯកឧត្តម បានបន្តថា ដូចបានដឹងស្រាប់ហើយថា អស់លោកទាំងនោះ បានប្រព្រឹត្តអំពើល្មើសច្បាប់ ពាក់ព័ន្ធនឹងរឿងអាស្រូវផ្លូវភេទរបស់ ឯកឧត្តម កឹម សុខា ជាមួយកញា ខុម ច័ន្ទតារាទី ហៅស្រី មុំ ដែលតុលាការរកឃើញថាជាប់ពិរទ្ធបញ្ហាឃុបឃិតចង់ជំលៀសសាក្សីបំបាត់ភស្តុតាង ក្នុងរឿងក្តី ។ រឿងក្តីនេះ កំពុងស្ថិតនៅក្នុងនីតិវិធីរបស់តុលាការនៅទ្បើយ ។
ឯកឧត្តម បានបញ្ជាក់ថា ដូច្នេះ មិនអាចប្រើមធ្យោបាយ បាតុកម្ម ឬ ហែក្បួនទាមទារ ឬ ស្នើសុំអន្តរាគមន៍ពីមជ្ឈដ្ឋានខាងក្រៅដើម្បីបានរួចពីនីតិវិធី នោះទេ ។
ឯកឧត្តម បានបន្តទៀតថា បើរឿងក្តីចូលតាមច្រកណា ត្រូវចេញតាមច្រនោះវិញ ទើបត្រឹមត្រូវ ។ ដូច្នេះ ករណីមន្ត្រីសង្គមស៊ីវិល និងមន្ត្រីគ.ជ.ប ចាំបាច់គប្បីរកមេធាវីដ៏ជំនាញ ដើម្បីទៅតតាំងជាមួយតុលាការ ដើម្បីដោះបន្ទកតាមផ្លូវច្បាប់ទៅ គឺជាការត្រឹមត្រូវតាមគោលការណ៏នីតិរដ្ឋ ។