*នាព្រឹកថ្ងៃ ចន្ទ ១២ រោច ខែមាឃ ឆ្នាំរកា នព្វស័ក ព.ស ២៥៦១ ត្រូវនឹងថ្ងៃទី១២ ខែកុម្ភៈ ឆ្នាំ២០១៨ នៅសាលាខេត្តកណ្តាល ឯ.ឧ ម៉ៅ ភិរុណ អភិបាលនៃគណៈអភិបាលខេត្តកណ្តាល រួមជាមួយឯ.ឧ នួន ផា ប្រធានក្រុមប្រឹក្សាខេត្ត បានអញ្ជើញចូលរួមក្នុងពិធីប្រកាសចូលកាន់តំណែងប្រធានមន្ទីរអភិវឌ្ឍន៍ជនបទខេត្តកណ្តាល ក្រោមអធិបតីភាពដ៏ខ្ពង់ខ្ពស់ឯ.ឧ អ៊ុក រ៉ាប៊ុន រដ្ឋមន្ត្រីក្រសួងអភិវឌ្ឍន៍ជនបទ។ សមាសភាពអញ្ជើញចូលរួមមាន៖ ឯ.ឧ លោកជំទាវ រដ្ឋលេខាធិការ អនុរដ្ឋលេខាធិការ អគ្គនាយក អគ្គាធិការ ប្រតិភូនៃក្រសួងអភិវឌ្ឍន៍ជនបទ, អភិបាលរងខេត្ត, ប្រធានមន្ទីរ អង្គភាពជុំវិញខេត្ត, ប្រធានក្រុមប្រឹក្សា អភិបាលក្រុង ស្រុក និងមន្ត្រីពាក់ព័ន្ធសរុបចំនួនប្រមាណជាង ៣០០ នាក់ ។
គួរបញ្ជាក់ផងដែរថា អ្នកស្រី ជី ថាវី ត្រូវបានតែងតាំងជាប្រធានមន្ទីរអភិវឌ្ឍន៍ជនបទខេត្តកណ្តាល ជំនួសលោក ចាប ម៉ុច ដែលត្រូវចូលនិវត្តន៍៕
ពិធីប្រកាសចូលកាន់តំណែងប្រធានមន្ទីរអភិវឌ្ឍន៍ជនបទខេត្តកណ្តាល
