រដ្ឋបាលខេត្តកណ្តាល បានរៀបចំវេទិកាផ្សព្វផ្សាយ​ និងពិគ្រោះយោបល់របស់ក្រុមប្រឹក្សាខេត្តកណ្តាល​ លើកទី៤​ អាណត្តិទី២​ ឆ្នាំ២០១៧​ ក្នុងស្រុកខ្សាច់កណ្តាល


*នាព្រឹកថ្ងៃទី០៦ ខែធ្នូ ឆ្នាំ២០១៧​ រដ្ឋបាលខេត្តកណ្តាល បានរៀបចំវេទិកាផ្សព្វផ្សាយ​ និងពិគ្រោះយោបល់របស់ក្រុមប្រឹក្សាខេត្តកណ្តាល​ លើកទី៤​ អាណត្តិទី២​ ឆ្នាំ២០១៧​ ក្នុងស្រុកខ្សាច់កណ្តាល ក្រោមអធិបតីភាព​របស់ ឯ.ឧ នួន ផា ប្រធានក្រុមប្រឹក្សាខេត្ត និង ឯ.ឧ ម៉ៅ ភិរុណ អភិបាលខេត្តនៃគណៈអភិបាលខេត្តកណ្តាល​ ​ ព្រមទាំងវត្តមានអញ្ជើញចូលរួមពីសំណាក់ម​ន្ត្រីរាជការ​ កងកម្លាំងប្រដាប់អាវុធ​ ក្រុមប្រឹក្សាឃុំ មេភូមិ​ និងប្រជាពល​រដ្ឋ​ក្នុងស្រុក ប្រមាណជាង​ ៨៧០​ នាក់។
*អង្គវេទិកាបានដំណើរការ​ទៅតាមកម្មវិធីដែលបានគ្រោងទុក​ដោយមានការលើកឡើងជាសំណួរ​ សំណូមពរ​ កង្វល់​ តាមរយៈការសរសេរជាលាយល័ក្សអក្សរ​មកកាន់វេទិកា ដែលពាក់ព័ន្ធទៅនឹង​កង្វះអគារ​សាលាឃុំ,​ បញ្ហារំលោភដីសាធារណៈ​ និងដីឯកជន,​សំណូមពរជួសជុលនិងសាងសង់ផ្លូវ,​ លូបង្ហូរទឹក,​ បង្គោលនិងបណ្តាញអគ្គិសនី,​ បញ្ហាអគ្គិសនីដាច់ចរន្តញឹកញាប់,​ បណ្តាញទឹកស្អាត,​ បញ្ហាគ្រឿងញៀន,​ សំណូមពរបើកវេទិកាអោយបានច្រើន,​ ប្រាក់ឧបត្ថម្ភប្រជាការពារ,​ ការរៀបចំសោភ័ណភាពសាលារៀន,​ កង្វះគ្រូបង្រៀនថ្នាក់មតេ្តយ្យសិក្សា,​ អគារទីចាត់ការ,​ របងសាលារៀន,​ ស្តារប្រឡាយរំដោះទឹក,​ សំណូមពរសុំថវិកាសួយសារពីការធ្វើអាជីវកម្មរ៉ែ,​ បញ្ហាទឹកលិចដំណាំ,​ នីតិវិធីបង់ពន្ធសាំញាំ,​ វិទ្យុទាក់ទងសម្រាប់ប្រជាការពារ,​ បញ្ហានេសាទខុសច្បាប់,​ ការទិញ​ លក់ដី,​ សំណូពរជួយធ្វើការវិនិយោគផ្សារនៅក្នុងឃុំ,​ អគ្គិសនីបំភ្លឺសាធារណៈ។ ល។

*ជាទីបញ្ចប់​ ឯ.​ឧ​ អភិបាលបានណែនាំ​ និងផ្តល់ជូននូវ៖​
+​ ណែនាំដល់អាជ្ញាធរមូលដ្ឋាន​ និងកម្លាំងមានសមត្ថកិច្ចត្រូវខិតខំពង្រឹងការអនុវត្តគោលនយោបាយភូមិឃុំមានសុវត្ថិភាព​ ជាពិសេសបន្តពង្រឹងការងារបង្កា​រ​ បង្ក្រាបបទល្មើសល្បែងស៊ីសង​ និងគ្រឿងញៀន ហើយត្រូវ​នៅអោយឆ្ងាយពីបទល្មើស
+​ ណែនាំដល់មេឃុំ​ ត្រូវមានការប្រុងប្រយ័ត្នរាល់ការចុះហត្ថលេខាបញ្ជាក់ឯកសារនានា​ពាក់ព័ន្ធនឹងការខ្ចីប្រាក់ ដែលអាចនាំទៅដល់ការដកហូតកម្មសិទ្ធិលើអចលវត្ថុរបស់ប្រជាពលរដ្ឋ​
+​ ផ្តល់​ថវិកា​ ៣​ លាន​រៀល​ ដល់សាលាបឋមសិក្សាប៊ុន​ រ៉ានី​ ហ៊ុន​ សែន​​ ព្រែកតាមាក់​ សម្រាប់ទិញដីចាក់ទីធ្លាសាលារៀន
+​ ផ្តល់អគារសាលាមួយអគារដល់ឃុំស្វាយរមៀត​ អនុវត្តក្នុងឆ្នាំ​ ២០១៧
+​ ផ្តល់អគារសាលាឃុំ​មួយអគារដល់ឃុំតាឯក​ អនុវត្តនៅក្នុងឆ្នាំ ២០១៩​
+​ ផ្តល់​ការរៀបចំភ្លើងបំភ្លឺសាធារណៈពីផ្លូវបំបែក​រង្វង់មូលស្ពានព្រែកតាមាក់ ទៅឃុំពុកឫស្សី​ ចំនួន​ ២៤​ បង្គោល​ អនុវត្តក្នុងឆ្នាំ២០១៨​៕
24301274_547223265632604_2855268426920856277_n 24312373_547222895632641_3041214554917748586_n 24796714_547223728965891_7530690888912915010_n 24852541_547222748965989_4918111587098853928_n 24900195_547223382299259_3297786215247361031_n