*នាព្រឹកថ្ងៃទី១២ ខែតុលា ឆ្នាំ២០១៧ រដ្ឋបាលខេត្តកណ្តាល បានរៀបចំវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្តកណ្តាល លើកទី៤ អាណត្តិទី២ ឆ្នាំ២០១៧ ក្នុងស្រុកកណ្តាលស្ទឹង ក្រោមអធិបតីភាពរបស់ ឯ.ឧ នួន ផា ប្រធានក្រុមប្រឹក្សាខេត្ត និង ឯ.ឧ ម៉ៅ ភិរុណ អភិបាលខេត្តនៃគណៈអភិបាលខេត្តកណ្តាល ព្រមទាំងវត្តមានអញ្ជើញចូលរួមពីសំណាក់មន្ត្រីរាជការ កងកម្លាំងប្រដាប់អាវុធ ក្រុមប្រឹក្សាឃុំទាំង១៨ក្នុងស្រុក និងប្រជាពលរដ្ឋ ប្រមាណជាង ៥០០ នាក់។
*អង្គវេទិកាបានដំណើរការ ដោយការបង្ហាញពីគោលបំណង និងរបាយការណ៍ឆ្លើយតបក្នុងវេទិកាឆ្នាំមុន ព្រមទាំងការធ្វើកំណែទម្រង់លើគ្រប់វិស័យរបស់រាជរដ្ឋាភិបាលកម្ពុជា ជាពិសេសគឺការបង្កើតការិយាល័យច្រកចេញចូលតែមួយ និងការិយាល័យប្រជាពលរដ្ឋនៅថ្នាក់ខេត្ត ក្រុង ស្រុក របស់ឯ.ឧ ប្រធានក្រុមប្រឹក្សាខេត្ត, ការជម្រាបជូននូវរបាយការណ៍សង្ខេបសមិទ្ធផលសម្រេចបាន៩ខែ ឆ្នាំ២០១៧របស់រដ្ឋបាលខេត្ត , លើកឡើងពីសន្តិភាព ស្ថិរភាព សន្តិសុខ ការកើនឡើងនូវកម្រិតជីវភាពប្រជាពលរដ្ឋ និងការអភិវឌ្ឍរីកចម្រើនលើគ្រប់វិស័យក្រោមការដឹកនាំដ៏ត្រឹមត្រូវរបស់រាជរដ្ឋាភិបាលកម្ពជា, មហន្តរាយ និងសោកនាដកម្មដែលកើតចេញពីបដិវដ្តពណ៌នៅបណ្តាប្រទេសមួយចំនួន ពីសំណាក់ឯ.ឧ អភិបាលខេត្ត ព្រមទាំងមានអ្នកចូលរួមចំនួន ០៩ នាក់ ស្រី០៣ នាក់ បានលើកឡើងជាសំណួរ សំណូមពរ កង្វល់ បញ្ហាប្រឈម និងការសរសេរជាលាយល័ក្ខអក្សរមួយចំនួនទៀតមកកាន់វេទិកា ដែលពាក់ព័ន្ធទៅនឹងបញ្ហាហេដ្ឋារចនាសម្ព័ន្ធផ្លូវ, ប្រឡាយរំដោះទឹក, ការសាងសង់សាលាបុណ្យ, ការលក់ដីអូ ស្នើបញ្ចុះថ្លៃទឹក បញ្ហាសាងសង់លំនៅដ្ឋានលើខ្នងប្រឡាយ និងការទប់ស្កាត់ដុតកាំជ្រួចក្នុងពិធីបុណ្យសព ។ ល។
*ជាលទ្ធផល ឯកឧត្តមអភិបាលខេត្ត បានធ្វើការឆ្លើយតប និងដោះស្រាយភ្លាមៗនៅនឹងកន្លែងនូវបញ្ហាមួយចំនួនធំ។ ដោយឡែកបញ្ហាទាំងឡាយណា ដែលពុំអាចដោះស្រាយនៅនឹងកន្លែងបាន ឯកឧត្តមគណៈអធិបតីបានទទួលយកចាត់ចែងអោយជំនាញចុះទៅសិក្សាស្រាវជ្រាវ និងធ្វើការឆ្លើយតប និងដោះស្រាយជូនទៅតាមលទ្ធភាព និងផែនការជាក់លាក់។
*ជាទីបញ្ចប់ ឯកឧត្តមអភិបាលបានប្រកាសផ្តល់៖
១. ផ្លូវបេតុងប្រវែង ១០១០ ម x ៤ ម និងស្ពានប្រវែង ១៤,៨០ ម៉ែត្រ នៅភូមិសាម៉ ឃុំដើមឫស អនុវត្តនៅឆ្នាំ២០១៨
២. ផ្លូវបេតុងប្រវែង៦៨០ ម x ៤ ម នៅភូមិស្រែគោក ឃុំអន្លង់រមៀត អនុវត្តនៅឆ្នាំ២០១៨
៣. ផ្តល់អគារសាលាឃុំចំនួន ០៧ គឺនៅឃុំបឹងខ្យាង, ដើមឫស, កណ្តោក, រការ, ត្បែង, រលាំងកែន, ព្រែកស្លែង អនុវត្តក្នុងឆ្នាំ២០១៧
៤. ផ្តល់អគារសាលាឃុំចំនួន០៣ គឺឃុំជើងកើប, ឃុំថ្មី និងឃុំទ្រា អនុវត្តក្នុងឆ្នាំ ២០១៨
៥. ផ្តល់ថវិកាចំនួន ២០០០ ដុល្លារ សម្រាប់សាងសង់សាលាបុណ្យទំហំ ៧មx១០ម ស្ថិតនៅភូមិស្លែង ឃុំត្រពាំងវែង៕
*នាព្រឹកថ្ងៃទី១២ ខែតុលា ឆ្នាំ២០១៧ រដ្ឋបាលខេត្តកណ្តាល បានរៀបចំវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្តកណ្តាល លើកទី៤ អាណត្តិទី២ ឆ្នាំ២០១៧ ក្នុងស្រុកកណ្តាលស្ទឹង ក្រោមអធិបតីភាពរបស់ ឯ.ឧ នួន ផា ប្រធានក្រុមប្រឹក្សាខេត្ត និង ឯ.ឧ ម៉ៅ ភិរុណ អភិបាលខេត្តនៃគណៈអភិបាលខេត្តកណ្តាល ព្រមទាំងវត្តមានអញ្ជើញចូលរួមពីសំណាក់មន្ត្រីរាជការ កងកម្លាំងប្រដាប់អាវុធ ក្រុមប្រឹក្សាឃុំទាំង១៨ក្នុងស្រុក និងប្រជាពលរដ្ឋ ប្រមាណជាង ៥០០ នាក់។
